"Liebe Ronja Ich möchte mich ganz herzlich für din unermüdliche Mega-isatz bedanke. Mir het de Kurs unglaublich viel Spass gmacht und aber au s einte oder andere Mal ziemlich as Limit bracht. Wenn die einte Lektione wie "vo elei" is Oberstübli gwandered sind, so hend anderi s Hirni ziemlich zum rüchne bracht . Ich bliibe sicher dra und tuen mir jetzt nomal Wuche für Wuche de Kurs zu Gemüte füehre. Natürli wers lässig, wenn mir i irgend ere Form chönnted wiitermache (muss zerst aber glaube schon nomal alles repetiere-s Voci-lerne entfallt ja jetzt ? Es isch jedesmal e Freud, wenn ich irgendwo Kanjis erkenne oder Hiragana chan lese (au wenn ich amigs kein Plan ha was es heisst ? ). Ich ha de Ufbau vom Kurs total gut gfunde vor allem will s für mich in sich e rundi Sach gsi isch und ich immerwieder uf die bereits gmachte Wuchelektione ha chönne zrugggriffe. Zum Glück isch das mit de Verbe erst am Schluss cho.... ich glaub am Anfang wer i no viel meh überfordert gsi wie jetzt.....und bestimmt au entmutigt. So aber ha ich immerwieder es chliises Erfolgserlebnis gha und bi so denn jewiils wieder total motiviert idi höchst Wuche gestartet. Es wür mich sehr freue, wenn das mit em japanische Esse und em "Klassentreff" würd klappe."

Claudia